එප්පාවලදී මැර ප්‍රහාරයට ලක්වූ ජයතිලක බණ්ඩාරට කවියක්

පුළුවන්ද කුරුල්ලෙක් හුරුල්ලෙක් වගේ බැදුමට ගන්න?
“…..මාව බිම පෙරළගෙන පයින් ගැහීම මට දරාගන්න පුළුවනි. ඒත් මට පහර දෙන මිනිස්සුන්ට මා එක්ක එක ම වේදිකාවෙ ගී ගැයූ දිවුල්ගනේ ශක්තිය දෙනව කියලා සිහිවෙන එක මට දරාගන්න අමාරුයි……”
-‘වියරුවට එරෙහි වීදියේ විරෝධයේ’ දී ආණ්ඩුවේ මැරයන් ගේ ප්‍රහාරයට ලක් වූ සංස්කෘතික ක්‍රියාධර ජයතිලක බණ්ඩාර සහෝදරයා
බූන්දි, සඳුදා, දෙසැම්බර් 8, 2014 23:04:45
වියරුවට එරෙහි වී විරෝධය වීදියට ගැලුවාම
වියරුවම තමයි මේ දෝරෙ යන පොළු මුගුරු හමුදාව
පරෙවියනි කුරවියනි නොසිට ගුවනත, පොළොවෙ පයලෑව
කැඩුණු තටු පිරිමදින සෙනඟ හිඟ නෑ
 වීදියේ තාමකුදුගැහුණු ආත්මෙට නිල් අහස දරන්නට බැරි බැවින
විලිවැහෙන තටු කපා හිලව්වට සාටකේ ගෙල ලෑව
රංගනේ ගොන්කවඩි, රත්තරන් කූඩුවල සෙළුවැලිව
ගායනේ කියාදුන් පදවැල්ය, බිතක්කන රජගෙදරලජ්ජාව උගස්දුන් කලට සළු උණා මහ තැන්වලට
කජ්ජක්ද කියන එක? කියාදුන් පද තාල තාලමට
බිජ්ජක්ද මොන හූණු ආත්මය? බණ්ඩියට බඩජහර
සජ්ජායනේ ඉතින් නවතින්නෙ පාචනේ උනදාටකුරුල්ලෙක් කියන්නේ ගගන සරණා කෙනෙකි නිදහසේ
ජීවිතය ගයන්නෙකි නොබා රිසි රිසි ව සිය අබිමතේ
අබිමතේ වැඩෙන්නේ කුරුලු ඇසකිනි, දකින ජීවිතේ
පරෙවියෙක් කුරවියෙක් කියන්නේ ආත්මෙකි ගුවනතේ

පුළුවන්ද තලා හොට කුරුල්ලෙක් ගයන එක නවතන්න
පුළුවන්ද කපා තටු පියහැඹුම සදහට ම වළකන්න
පුළුවන්ද තබා වෙඩි කුරුළු සනුහරේ මුලිනුපුටන්න
පුළුවන්ද කුරුල්ලෙක් හුරුල්ලෙක් වගේ බැදුමට ගන්න?

ජයේ, ජය ගීය නම් නෑසෙනා මානයක දුර තමයි
මඟට හලනා තරම් කඩු කිණිසි ගල්මුල් ද අපමණයි
ඒත් නවතිනු කෝම? සැනසීම නම් ගමන පමණමැයි
නෑසෙනා දුර දිනෙක ඇසෙන මානෙට පැමිණ අඬගසයි!

සබැඳි පුවත්

[shareaholic app="recommendations" id="27363332"]

Leave a Reply

Your email address will not be published.