‘‘නහිවේරේන වේරානි‘-ප්‍රතිපත්ති ප්‍රකාශය ඉදිරිපත් කරමින් මෛත්‍රීපාල සිරිසේන

mithrippp

කොටි සංවිධානය විසින් පස් වතාවක් මරා දැමීමට තැත් කළ තමන්   කිසි දිනක යළිත් කොටි සංවිධානයට

හිස එසවීමට ඉඩ නොදෙන බව පොදු අපේක්ෂක මෛත්‍රීපාල සිරිසේන මහතා අද (19) විහාරමහා දේවී උද්‍යානයේ දී සිය ප්‍රතිපත්ති ප්‍රකාශය ඉදිරිපත් කරමින් පැවසීය.

 

විපක්ෂ නායක රනිල් වික්‍රමසිංහ මහතා අරමුණ පැහැදිලි කිරීමෙන් පසු ජයමංගල ගාථා සජ්ජාඣායනා කරන අතරතුර  මෛත්‍රීපාල සිරිසේන මහතා සිය ප්‍රතිපත්ති ප්‍රකාශය මහා සංඝරත්නයට හා පැමිණ සිටි දේශපාලන නායකයන්ට පිළි ගැන්වීය.

එය පිළිගන්වද්දී විදුලිය විසන්ධි වූ අතර සිරිසේන මහතා නැවත කතාව ආරම්භ කර මද වේලාවකින් විදුලි ජනන යන්ත්‍රයක් ආධාරයෙන් විදුලිය ලබා ගත්තේය.

 

[vsw id=”/39BWm40_qz0″ source=”youtube” width=”325″ height=”244″ autoplay=”no”]

 

මෛත්‍රීපාල සිරිසේන මහතා –

‘‘නහිවේරේන වේරානි‘ හා ‘ධම්මෝ හවේ රක්ඛති ධම්මචාරී‘ කියන ප්‍රතිපත්තිය මත පිහිටා අපි කටයුතු කරනවා. අපිට මොන හිරිහැර කරත් අපි වෛර කරන්නේ නෑ. ක්‍රෝධ කරන්නේ නෑ. අවිහිංසාවාදීව අපි කටයුතු කරනවා.

මා මිත්‍ර මහින්ද රාජපක්ෂ මහත්මා කියනවා අපි බලයට ආවොත් මේ රටේ දේශපාලන අස්ථාවර භාවයක් ඇති වෙනවා කියා. දේශපාලන අස්ථාවරත්වයක් ඇතිවී තිබෙන්නේ දැනුයි.

යුද්ධ ඉවර කළ ශ්‍රේෂ්ඨ යුද නායකයා ඉන්නේ අප සමගයි. මේ රටේ නැවත යුද්ධයක් ඇති වෙන්න, කොටි සංවිධානයට නැවත හිස ඔසවන්න අපි ඉඩ දෙන්නේ නෑ.

 

 

mithriuuu

යුද්ධය අවසන් වන අන්තිම සති දෙකේ ආරක්ෂක ඇමැති ලෙස කටයුතු කළේ මමයි. මා කොටි ප්‍රහාර පහකට ලක් වුණා. එස්ඩබ්ලිව් ආර් ඩී බණ්ඩාරනායක මහතාගේ සහ සිරිමාවෝ මැතිණියගේ දියණිය කොටි ප්‍රාහරයකට ලක්ව ඇහැක් අහිමි වුණා.

මා බලයට එන්නේ දෙවැනි වරත් ඉල්ලන්න නොවෙයි. මාගේ මේ ප්‍රතිපත්ති ප්‍රකාශනයේ සඳහන් දෑ ඒ විදියටම ක්‍රියාත්මක කරන බව මා ප්‍රතිඥා දෙනවා.

අවුරුදු නවයක් තිස්සේ මගේ හඬ එක්සත් ජානතා නිදහස් සන්ධානයට වැදගත් වූවාසේම දැනුත් මගේ හඬ නැතිව බැරි වෙලා. ඒ නිසා තමයි මා වසර ගණනාවකට කළ ප්‍රකාශයක් නැවත විකාශය කරන්නේ. ජනතාව දන්නවා දැන් මා කියන ප්‍රකාශ සහ පැරණි ප්‍රකාශ ගැන. රාජ්‍ය මාධ්‍යවල ඉන්න මාධ්‍යවේදීන්ට ඉහළ බලපෑම් හමුවේ අසරණ වෙන්න වෙලා. මා ඒ අයට අනුකම්පා කරනවා. ‘

 

mithrt4445

විපක්ෂ නායක රනිල් වික්‍රමසිංහ මහතා –

‘මේ රටේ ත්‍රස්තවාදය නැති කළාට පස්සේ රාජපක්ෂ උවදුරට මුහුණ දෙන්න වුණා. ජයග්‍රහණය මතින් බලය අරගෙන ප්‍රජාතන්ත්‍රවාදය නැති කළා.

අද මේ පාලනය අවසන් කරන්න සියලු දෙනා එකතු වෙලා ඉන්නවා. 1948 වසරෙන් පසු දැන් තමයි සියලු දෙනා එකතු වෙලා තියෙන්නේ. ඒ රාජපක්ෂ රෙජීමය එළවන්නයි. ඒ සඳහා අපි තෝරා ගත්තේ ශ්‍රී ලංකා නිදහස් පක්ෂයේ මහ ලේකම් මෛත්‍රීපාල සිරිසේන මහතායි.‘

 

තමා ජනාධිපතිවරණයෙන් ජයග්‍රහණය කළහොත් හිටපු අගවිනිසුරුවරිය යළිත් එම තනතුරෙහි පිහිටුවන බව පොදු අපේක්ෂක මෛත්‍රීපාල සිරිසේන පවසයි.

හිටපු හමුදාපති ජනරාල් සරත් ෆොන්සේකා සහ හිටපු අගවිනිසුරු ශිරාණි බණ්ඩාරනායක දේශපාලන පලි ගැනීම්වලට ලක් වී ඇති බවත් එම නිසා ඔවුන් දෙදෙනාට සාධාරණය ඉෂ්ට කිරීමට කටයුතු කරන බවයි එහි සඳහන් වෙන්නේ.

මීට අමතරව කැසිනෝ ව්‍යාපාර සඳහා දැනට ලබා දී ඇති විශාල බදු සහන ඉවත් කිරීමට කටයුතු කරන බවද පොදු අපේක්‍ෂකයාගේ ප්‍රතිපත්ති ප්‍රකාශයේ සඳහන් කර තිබේ.

 

 

සිරිසේන මහතාගේ ප්‍රතිපත්ති ප්‍රකාශයට පහත වෙබ් අඩවියෙන් පිවිසිය හැකිය.

https://drive.google.com/file/d/0B-nKtUq9rQEQUkNrcUgxMmFJYjQ/view

 

 

 

 

 

සබැඳි පුවත්

[shareaholic app="recommendations" id="27363332"]

Leave a Reply

Your email address will not be published.