ගිනි අවි ගත් කෝප්‍රල් අත්අඩංගුවට ගැනීම කුමන්ත්‍රනයක්-මහින්ද

5d528f7635a68364a8b789ca88be8e5d_L

මෛත්‍රීපාල සිරිසේන ජනාධිපතිවරයාගේ රැස්වීමකට ගිනි අවියක් ගෙන ඒමේ චෝදනාව මත යුද හමුදා කෝප්‍රල්වරයකු අත්අඩංගුවට ගැනීම සම්බන්ධයෙන් නිවේදනයක් නිකුත් කරන හිටපු ජනාධිපති මහින්ද රාජපක්ෂ තමා හා තම පවුලේ සමාජිකයන්ට එරෙහිව ඇති දේශපාලන හා පුද්ගලික කෝන්තරවලට යුද හමුදා හෝ පොලිස් නිලධාරීන් පටලවා නොගන්නා මෙන් වගකිව යුත්තන්ගෙන් ඉල්ලා සිටී.

ඉකුත් අප්‍රෙල් 25 වනදා ජනාධිපතිවරයා ද සහභාගී වූ ශ්‍රී.ල.නි.ප. හම්බන්තොට දිස්ත්‍රික් බල මණ්ඩල රැස්වීමට ගිණි අවියක් රැගෙන ඒමේ චෝදනාව මත යුද හමුදාවේ කොප්රල් සේනක කුමාර රහස් පොලිසිය විසින් අත්අඩංගුවට ගෙන රිමාන්ඩ් බන්ධනාගාර ගත කර තිබේ.

කෝප්රල් කුමාර අත්අඩංගුවට ගැනීම තමාටත්, තමා සමග සිටින සැමටත්, තම පවුලේ සාමාජිකයන්ටත් එරෙහිව දිගින් දිගටම ගෙන යන අවලාද හා අඩන්තේට්ටම් ව්‍යාපාරයේ තවත් අංගයක් බව පැහැදිලි බවත් හිටපු ජනාධිපතිවරයා සඳහන් කොට ඇත.

දේශපාලන හස්තයක්

“මීට කලින් අවස්ථාවකදී මමත් ජනාධිපති මෛත්‍රීපාල සිරිසේන මහතාත් අතර හමුවකට දින යොදා ගෙන තිබිය දී මාගේ සොයුරු බැසිල් රාජපක්‍ෂ සිර භාරයට ගෙන රිමාන්ඩ් බන්ධනාගාර ගත කරන ලදී. දැන් නැවතත් එම හමුව සඳහා දිනයක් නියම වී තිබෙන අවස්ථාවක මාගේ ආරක්ෂක බල ඇණියේ සාමාජිකයකු සිර භාරයට ගෙන රිමාන්ඩ් බන්ධනාගාර ගත කොට ඇත. අද හිටපු ඇමති ජොන්ස්ටන් ප්‍රනාන්දු මහතාද හිර භාරයට ගන්නා ලදී. මේ සිදුවීම් සියල්ල දේශපාලන හස්තයක් විසින් මෙහෙයවන ඒවා බව පැහැදිලිය, ” හිටපු ජනාධිපති මහින්ද රාජපක්ෂ තවදුරටත් සිය නිවේදනයේ සඳහන් කරයි.

 

 

නීතිවල වෙනසක්

යුද හමුදා මුලස්ථානය ප්‍රභූ ආරක්ෂකයන් සඳහා වන නීති රීති මාලාව අලුත් කිරීමට තීරණය කර ඇතැයි වාර්තා වේ.

මෙවැනි තීරණයක් ගැනීමට හේතුවී ඇත්තේ ජනාධිපති මෛත්‍රීපාල සිරිසේනගේ අඟුණකොළපැලැස්‌සේ පැවැති රැස්‌වීමකට,  හිටපු ජනපතිගේ ආරක්ෂකයෙකු ලෙස ක්‍රියාකරන පුද්ගලයෙකු පිස්‌තෝලයක්‌ සඟවාගෙන පැමිණීමේ  සිද්ධියත් සමගයි.

යුධ හමුදා ප්‍රකාශකයෙකු සඳහන් කළ පරිදි   එම පුදගලයා හිටපු ජනපතිගේ ආරක්ෂාව සඳහා  අනුයුක්තව සේවය කළ සේනක කුමාර නම් සෙබළෙකි. අත්අඩංගුවට පත්වන අවස්ථාවේ එම සෙබළා නාමල් රාජපක්ෂගේ ආරක්ෂාවට සිට ඇත.
යුධ  හමුදා අභන්තර ආරංචිමාර්ගවලට අනුව මෙම ප්‍රශ්නය සඳහා අපරාධ පරීක්ෂණ දෙපාර්තමේන්තුවේ සහාය ලබා ගැනීමට බලාපොරොත්තුවන බව පැවසේ.
හමුදා මාධ්‍ය  ප්‍රකාශක බ්‍රිගේඩියර් ජයන්ත ජයවීර පවසා ඇත්තේ දැනටමත් යුද හමුදා පොලීසිය පරීක්ෂණ කටයුතු සිදුකරමින් යන බවයි. පොලීසිය විසින් මේ සිද්ධිය සම්බන්ධයෙන්  නාමල් රාජපක්ෂගේ කට උත්තරයක් ලබාගැනීමට නියමිතයි.
මේ පිළිබඳ අදහස් දැක්වූ පොලිස් සහ හමුදා නිලධාරීන්ට අනුව පාරිලිමේන්තු මන්ත්‍රීවරයෙකුට යුධ හමුදා ආරක්ෂකයින් සපයනු නොලැබේ. සාමාන්‍ය ලෙසම සිය පියාගේ ආරක්ෂකයින් තමන්ගේ ආරක්ෂාව සඳහා පාවිච්චි කිරීම නාමල් රාජපක්ෂගේ සිරිතකි. තවමත් එය එලෙසම සිදුවන බව මේ සිදුවීම ශාක්ෂි දරයි.
එසේම මෙම සිද්ධිය  අප්‍රේල් 25 ද සිදු වුවත් සැකකාර සෙබළා අත්අඩංගුවට ගැනීම සිදු කර ඇත්තේ මෙම මස 2 දායි. මෙම ප්‍රමාදය සම්බන්ධයෙන්ද සැක මතුව තිබේ. සැකකාර සෙබළා මැයි 12 දක්වා රිමාන්ඩ් බාරයට පත්කර ඇත.
මේ පිළිබඳව අදහස දැක්වූ පාර්ලිමේන්තු මන්ත්‍රී නාමල් රාජපක්ෂ ප්‍රකාශ කර තිබුණේ සැකකාර සෙබළා සතුව තිබුනේ වතුර බෝතලයක් පමණක් බවයි. මෙම සිදුවීම සම්බන්ධයෙන් මන්ත්‍රීවරයා ජනාධිපතිවරයාට කරුණු පැහැදිලි කිරීමක්ද සිදු කර ඇති බව පැවසේ.

 

 

 

 

 

සබැඳි පුවත්

[shareaholic app="recommendations" id="27363332"]

Leave a Reply

Your email address will not be published.