ප්‍රවීණ මාධ්‍යවේදී පියසේන දිසානායක අග්‍රාමාත්‍ය මාධ්‍ය ලේකම්

piyasena-disanayakeප්‍රවීණ මාධ්‍යවේදී පියසේන දිසානායක මහතා අග්‍රාමාත්‍ය මාධ්‍ය ලේකම් ලෙස අග්‍රාමාත්‍ය රනිල් වික්‍රමසිංහ මහතා විසින් පත්කොට ඇත.මාධ්‍යවේදීන් අතර බෙහෙවින් ජනප්‍රිය පියසේන දිසානායක අග්‍රාමාත්‍ය මාධ්‍ය ලේකම් තනතුරට පත් කිරීම ඉතා නිවැරදි තේරීමක් බව ක්ෂේත්‍රයේ වැඩි දෙනක්ක් කියා සිටිති.

සමබර මාධ්‍යකරණයක් සඳහා දැඩි කැපවීමකින් කටයුතු කොට ඇති දිසානායක මහතා රාජ්‍ය මාධ්‍ය නව මාවතකට යොමු කිරීමට දායක වීමේ හැකියාවක් ඇති අයෙකි. දශක දෙකකට වැඩි කාලයක්‌ මාධ්‍ය ක්‍ෂේත්‍රයේ පළපුරුද්දක්‌ ඇති දිසානායක මහතා කොළඹ විශ්වවිද්‍යාලයේ ජනසන්නිවේදනය පිළිබඳ උපාධිධාරියෙකි. අග්‍රාමාත්‍ය මාධ්‍ය ලේකම් තනතුරට පත් කරන තෙක්‌ පියසේන දිසානායක මහතා ‘දිවයින’ පුවත්පතේ ප්‍රවෘත්ති කර්තෘවරයා ලෙස සේවයේ යෙදී සිටියේය.

මොනරාගල ඔබ්බෙගොඩ මහා විද්‍යාලයේ ආදි ශිෂ්‍යයකු වන දිසානායක මහතා 1990 දී ලංකාදීප පුවත්පතේ මොනරාගල මඩුල්ල ප්‍රාදේශීය මාධ්‍යවේදියකු ලෙස මාධ්‍ය ජීවිතය ආරම්භ කර තිබේ. 1997 දී ඒ මහතා ‘දිවයින’ පුවත්පතේ කර්තෘ මණ්‌ඩලයට එක්‌ව ඇත.

සබැඳි පුවත්

Leave a Reply

Your email address will not be published.

Comment moderation is enabled. Your comment may take some time to appear.