ප්‍රේමකීර්ති යළි මරාදාන්න එපා

 

 

d93884615659ff51a670174d2445dcb9_L

 

හෝමාගම කටුවන ප්‍රදේශයේ මාර්ග දෙකක් සිය සැමියා වන මියගිය කලාකරු ප්‍රේමකීර්ති ද අල්විස් මහතා නමින් නම් කිරීමේ සූදානමක් ඇති බැවින් එය වළක්වා රිට් ආඥාවක් නිකුත් කරන ලෙස ඉල්ලා වන නිර්මලා ද අල්විස් මහත්මිය විසින් අභියාචනාධිකරණයට පෙත්සමක් ගොනු කර තිබේ.

හෝමාගම ප්‍රාදේශීය සභාව සහ නීතිපතිවරයා මෙම පෙත්සමේ වගඋත්තරකරුවන් ලෙස නම් කොට ඇත.

හෝමාගම කටුවන ප්‍රදේශයේ පිහිටි මාර්ග දෙකක් ප්‍රේමකීර්ති ද අල්විස් පාර සහ ප්‍රේමකීර්ති පෙදෙස නමින් නම් කිරීමට හෝමාගම ප්‍රදේශීය සභාව සූදානම් වන බව රූපවාහිනී වැඩසටහනකදී සිය පුත්‍රයා දැනගත් බවත් ඒ ගැන කිසිදු දැනුම් දීමක් තමාට හෝ පවුලේ කිසිවෙකුට කර නැති බවත් පවසන ඒ මහත්මිය, මේ හේතුවෙන් තමන්ට විශාල මානසීක පීඩාවක් ඇති වන බවද ප්‍රකාශ කර තිබේ.
1989 ජුලි 31 වැනිදා ඝාතනය කෙරුණු තම සැමියාගේ මරණය සම්බන්ධයෙන් විධිමත් පරීක්ෂණයක් වසර 26ක් තිස්සේ නොකෙරුණු බවත්,එසේ තිබියදී මෙලෙස මියගිය සැමියගේ නම භාවිතා කරමින් දේශපාලන වාසි ලබා ගැනීමට ඇතැම් පිරිස් කටයුතු කරන නිසා තමාට හා තම පවුලේ සාමාජිකයින්ට විශාල මානසික පීඩාවක් හා හානියක් ඇතිවන හෙයින් ප්‍රේමකීර්ති ද අල්විස් නමින් මාර්ග නම් කිරීම වළක්වන නියෝගයක් නිකුත් කරන ලෙස ද ඇය අභියාචනාධිකරණයෙන් ඉල්ලා ඇත.

සබැඳි පුවත්

Leave a Reply

Your email address will not be published.

Comment moderation is enabled. Your comment may take some time to appear.