බාහු නීතිපති දෙපාර්තමේන්තුවට අභියෝග කරයි

නීතිපති දෙපාර්තුමේන්තුවේ අඩුපාඩු පෙන්වා දෙමින් විවේචනය කරන පුද්ගලයන්ට නීතිමය ක්‍රීයාමාර්ග ගන්නා බවට තර්ජනය නොකර දෙපාර්තුමේන්තුවේම සිටිමින් එය කෙළෙසු පුද්ගලයන්ට එරෙහිව නීතිමය පියවර ගන්නා ලෙසට නව සම සමාජ පක්ෂ නායකයා අභියෝග කර සිටී.

තමන් බලයට පත් වු පසු හිටපු නීතිපති මොහාන් පිරිස් පැමිණි තමන්ට අවශ්‍ය ආකාරයට අධිකරණ තීන්දු ලබා දිය හැකි බව පවසමින් එම ධුරයෙන් ඉවත් නොකරන ලෙසට ජනාධිපති මෛත්‍රීපාල සිරිසේනගෙන් ඉල්ලා සිටි බවට ජනාධිපතිවරයා කල ප්‍රකාශ සිහිකල ආචාර්ය වික්‍රමබාහු කරුණාරත්න නිතිපති දෙපාර්තුමේන්තුවේ ගෞරවය විනාශ කරන ලද්දේ එවැනි පුද්ගලයන් බවටයි චෝදනා කරන්නේ.

මොහාන් පිරිස් කලා යැයි කියන ප්‍රකාශ හරහා නීතිපති දෙපාර්තුමේන්තුවේ සේවකයන්ගේ සහ විනිසුරුවරුන්ගේ ප්‍රතිරූප පහත දමා ඇති බවට නව සම සමාජ පක්ෂ නායකයා චෝදනා කර සිටියේ මාධ්‍ය හමුවකදීය.

නීතිපති දෙපාර්තුමේන්තුව විචේචනය කරන පුද්ගලයන්ට එරෙහිව ක්‍රීයාමාර්ග ගැනීමට පෙර නීතිපති දෙපාර්තුමේන්තුව පහත දමමින් ප්‍රකාශ කල මොහාන් පිරිස්ට එරෙහිව නඩු පැවරිය යුතු බව ආචාර්ය වික්‍රමබාහු පෙන්වා දෙයි.

“බොරුවට කයිවාරු ගන්න එපා මම කියනව ඇටෝර්නි ජනරල් එකටයි විනිශ්චයකාරවරුන්ටයි අරව මේව කියන්න වැඩක් නැහැ නීතිය කඩපු මිනිස්සු ඉන්නව ඉහලම අග්‍රවිනිශ්චයකාරවරුම ඒ අයට දඬුවම් දීල ඉන්න” යි පවසන ඔහු ගෞරවය රැක ගැනීමට නම් “ගෞරවය කඩපු තමුන්නාන්සෙලගෙම අයට දඬුවම් දෙන්නැයි” ඉල්ලා සිටී.

හිටපු අගවිනිසුරු සරත් එන් සිල්වාද ඔහු දුන් තීන්දු පිළිබඳව සිය නිලය හැර යාමෙන් පසු විවිධ ප්‍රකාශ කර තිබු අතර එවැනි ප්‍රකාශ හරහා ඔවුන් විහිලුවට පත් වු බව නව සම සමාජ පක්ෂ නායක වික්‍රමබාහු කරුණාරත්න වැඩි දුරටත් කියා සිටියේය.

සබැඳි පුවත්

[shareaholic app="recommendations" id="27363332"]

Leave a Reply

Your email address will not be published.