මැතිවරණයට රාජ්‍ය දේපළ ගතහොත් සමාවක් නැහැ

 

 

 

 

msමැතිවරණ කාලසීමාව තුළ රාජ්‍ය දේපළ අනිසි පරිහරණය සිදුවීම වැළැක්වීම සඳහා විශේෂ චක්‍රලේඛයක් ජනාධිපති ලේකම් පි.බි.අබේකෝන් මහතා නිකුත් කර තිබේ.

ඒ අනුව අමාත්‍යවරුන්, රාජ්‍ය අමාත්‍යවරුන් හා නියෝජ්‍ය අමාත්‍යවරුන්ගේ පෞද්ගලික කාර්යය මණ්ඩලයට අයත් නිලධාරීන් අතරින් පෞද්ගලික ලේකම්වරුන්ට පමණක් නිල රථයක් ලබාදිය යුතු අතර අනෙක් සියලුම නිලධාරීන් අදාළ වාහන අමාත්‍යාංශය වෙත ලබාදිය යුතුවෙයි.

ඊයේ(20) දිනයේ සිට බලපැවැත්වෙන පරිදි මෙම චක්‍රලේඛය නිකුත් කර ඇත. මේ පිළිබඳව සියලු අමාත්‍යාංශ ලේකම්වරුන්ට සහ ආයතන ප්‍රධානීන් වෙත දැනුම් දී ඇති බව ද වාර්තාවේ.

එසේ නිල වාහන රඳවා තබාගන්නා තැනැත්තන් සම්බන්ධයෙන් රජයේ දේපළ අයුතු පරිහරණය යටතේ නීත්‍යානුකූල පියවර ගන්නා ලෙස ද ජනාධිපති ලේකම්වරයා උපදෙස් ලබාදී ඇති බව වාර්තා වෙයි.

මැතිවරණ සමයේදී බොහෝ ඡන්ද අපේක්ෂකයන් උත්සහ දරන්නේ රජයේ දේපල භාවිතා කර ගොඩ පීනා ගැනීමටය. නමුත් ඔවුන් පෙනී සිටින්නේ ජනතාව‍ගේ ගැලවුම්කරුවන්,ජනතා සේවකයන් ලෙසය. ජනතා සේවකයන් ලෙස පෙනී සිටිමින් ජනතාව තවතවත් අගාධයට දැමූ සිදුවීම් පසුගිය ජනාධිපතිවරණ සමයේදී සිදුවූ ආකාරය දැන් නොදන්නා කෙනෙක් නොමැත.

එළඹෙන මැතිවරණයේදීද මෙවැනි අනිසි ක්‍රියා සිදුවීමට ඉඩ නොතබා ඒවාට වැට බැදීම සැබෑ ලෙසම සිදුවිය යුතු අතර එ් සදහා පියවර ගැනීම සාර්ථක ලෙස සිදුවන ආකාරයක්ද දක්නට ලැබීම යහපත් ප්‍රවනතාවයකි. එය මැතිවරණ දිනය තෙක්ම නිසි ආකාරව ක්‍රියාත්වක වේ යැයි අප බලාපොරොත්තුවෙන් සිටිමු.

සබැඳි පුවත්

Leave a Reply

Your email address will not be published.

Comment moderation is enabled. Your comment may take some time to appear.