රංජන් සමඟ අපි යමු උසාවි

ranjanවිනිසුරුවරුන් හා නීතීඥවරුන් බහුතරයක් දුෂිත බව මාධ්‍ය හමුවේ පැවසීමෙන් අධිකරණයට අපහාස කර ඇති බවට චෝදනා ලැබ සිටින සමාජ සවිබල ගැන්වීම් හා සමාජ සුභසාධන නියෝජ්‍ය අමාත්‍ය රන්ජන් රාමනායක මහතාට ලබන 25 වැනිදා අධිකරණය හමුවේ පෙනී සිටින ලෙස නියම කරමින් ශ්‍රේෂ්ඨාධිකරණය ඊයේ (12) සිතාසි නිකුත් කළේය.

මෙවැනි ප‍්‍රකාශයක් කර අධිකරණයට අපහාස කිරීම සම්බන්ධයෙන් නියෝජ්‍ය අමාත්‍ය රන්ජන් රාමනායක මහතාගෙන් නිදහසට කරුණු විමසීම සඳහා ඔහු අධිකරණයට කැඳවන්නැයි පෙත්සම්කරුවන් වෙනුවෙන් පෙනී සිටි නීතීඥ රසික දිසානායක මහතා කළ ඉල්ලීමක් පිළිගත් ශ්‍රේෂ්ඨාධිකරණය මෙලෙස සිතාසි නිකුත් කළේය.

ශ්‍රේෂ්ඨාධිකරණ විනිසුරුවරුන් වන බුවනෙක අළුවිහාරේ, සිසිර ද ආබෲ සහ අනිල් ගුණරත්න යන මහත්වරුන්ගෙන් සැදුම්ලත් විනිසුරු මඩුල්ලක් විසින් සිතාසි නිකුත් කරන ලදී.

මාගල්කන්දේ සුදන්ත හිමියන් සහ විශ‍්‍රාමික හමුදා නිලධාරීයකු වන සුනිල් පෙරේරා යන අය මේ සම්බන්ධයෙන් ශ්‍රේෂ්ඨාධිකරණයට පෙත්සමක් ඉදිරිපත් කර ඇති අතර එහි වගඋත්තරකරු වශයෙන් නියෝජ්‍ය අමාත්‍ය රන්ජන් රාමනායක මහතා නම් කර ඇත.

රාමනායක මහතා විනිසුරුවරුන් හා නීතීඥවරුන් බහුතරයක් දුෂිත බව මාධ්‍ය හමුවේ පැවසීමෙන් අධිකරණයට අපහාසයක් කර ඇති බව චෝදනා කරමින් කරුණු ඉදිරිපත් කරන පෙත්සම්කරුවෝ මේවැනි ප‍්‍රකාශයක් කර අධිකරණයට අපහාස කිරීම සම්බන්ධයෙන් රාමනායක මහතාට දඬුවම් නියම කරන ලෙස ඉල්ලා සිටිති.

 

රාමනායක මහතාට සහයෝගය පළ කිරීමට සිවිල් සමාජ සංවිධාන රැසක් පෙළ ගැසීමට නියමිතය.

සබැඳි පුවත්

Leave a Reply

Your email address will not be published.

Comment moderation is enabled. Your comment may take some time to appear.