සල්මන් පස් වසරක් ආණ්ඩුවේ බෝඩිමේ

Salman Khan Hit And Run Case

13 වසරකට ඉහතදී බීමත්ව රිය පදවා පදික වේදිකාවේ නිදාගෙන සිටි පස් දෙනෙකු යටකර එක් අයෙකු ජීවිතක්ෂයට පත් කළ බොලිවුඩ් සුපිරි රංගන ශිල්පියෙකු වන සල්මන් ඛාන් ට වසර 5ක සිරදඩුවම් හිමිව තිබේ.

2002 වසරේ සැප්තැම්බර් මාසයේදී මුම්බායි හිදී පදික වේදිකාවක නිදාහුන් පස් දෙනෙකු ඔහු විසින් පැදවූ මෝටර් රථයක හැපී තුවාල සිදුව ඇති අතර එයින් එක් අයෙකු ජීවිතක්ෂයට පත්ව තිබේ.

වසර 13 ක් තිස්සේ ඊට අදාළ නඩු විභාගය පැවැත්වුණු අතර සල්මන් ඛාන් අධිකරණයට පවසා ඇත්තේ මෝටර් රථය පැදවූයේ තමන් නොවන බවයි.

එසේ වුවද එය සල්මන් ඛාන් විසින්  අදාළ මෝටර් රථය පැදවූ බව තහවුරු වී ඇතැයි ප්‍රකාශ කළ විනිසුරු ඔහුට දඬුවම් හිමිවිය යුතු බව නියෝග කර තිබේ.

බොලිවුඩ් හි චිත්‍රපට 80 කට පමණ රංගනයෙන් දායකවී ඇති ඔහු ඩාබෙන්ග්,රෙඩි,බොඩිගාර්ඩ්,එක් තා ටයිගර්,මෙනෙ ප්යාර් ක්යා,හම් අප් කී හෙයින් කූන් ආදී ජනප්‍රිය වානිජ චිත්‍රපට වල කැපී පෙනෙන රංගනයකට උරුමකම් කියන ලදී.

 

 

khan

 

මේ නඩුවේ දී වැඩිපුරම මාධ්‍ය අවධානය යොමු වුනේ සල්මන් පිළිබඳවයි එහෙත් මේ රිය අනතුරින් විපතට පත් වුවන් කියා සිටින්නේ මේ නඩු තීන්දුවෙන් තමන්ට කිසිම  සෙතක් සැලසෙන්නේ නැති බවයි.

තුවාල ලැබූ මොහොමඩ් කලීම් කියා සිටියේ මේ සිදුවීමෙන් අනතුරුව තමන්ට  නගරය ඇත හැර ගමට පැමිණීමට සිදුවූ අතර එදා මෙදා තුර බිදුණු අත්ප හේතුවෙන් තමන්ට හරි හැටි හිටග්නට බැරි වී ඇති බවයි.

සබැඳි පුවත්

Leave a Reply

Your email address will not be published.

Comment moderation is enabled. Your comment may take some time to appear.