සිරිලිය බොරුවක් නෙවේ-ශිරන්ති

 

 

shiranthi

 

සිරිලිය සවිය බැංකු ගිණුම් අත් හිටුවීමෙන් එම සංවිධානයේ මූල්‍ය ආධාර ලබමින් සිටි රෝගීන් තිදෙනකු මේ වන විට මියගොස් ඇතැයි ආරංචි වූ බව කොළඹ මූල්‍ය අපරාධ කොට්ඨාසයට අද කටඋත්තරයක් දෙමින් හිටපු ජනපති බිරිය ශිරන්ති රාජපක්ෂ මහත්මිය පැවසූ බව මාධ්‍ය නිවේදනයක් නිකුත් කරමින් හිටපු ජනපති මහින්ද රාජපක්ෂ මහතාගේ මාධ්‍ය සම්බන්ධීකරණ ලේකම් කියයි.

සිරිලිය සවිය සම්බන්ධයෙන් කෙරෙන විමර්ශනයට සහාය වීම පිණිස රාජපක්ෂ මහත්මිය කටඋත්තරයක් ලබාදුන් බවත් මෙකී සංවිධානය දේශීය හා විදේශීය මූල්‍ය හා ද්‍රව්‍යමය පරිත්‍යාග මත කටයුතු කරන්නක් බවත් එහි කටයුතු සඳහා රජයේ මුදල් හෝ දේපල කිසිවක් භාවිතා වී නැති බවත් ඇය මූල්‍ය අපරාධ කොට්ඨාසය හමුවේ දැනුම් දී ඇත.

 

 

 

රාජපක්ෂ ආණ්ඩුවේ විරුද්ධවාදීන් එල්ල කරන චෝදනා බොරු බවත් බැංකුවේ පරිගණක පද්ධතියට ශිරන්ති රාජපක්ෂ ඇතුළු සෙසු නිලධාරීන්ගේ ජාතික හැඳුනුම්පත් අංක ඇතුළත් කිරීමේදී අතපසු වීමක් සිදුවී ඇති බවත් පෙනෙන බව එම නිවේදනයේ දැක්වේ. සිරිලිය සංවිධානය වෙනුවෙන් චෙක්පත් අත්සන් කළේ ව්‍යාජ පුද්ගලයින් නොව තවමත් එහි සේවය කරන සැබෑ පුද්ගලයින් තිදෙනෙක් බවත් එම නිවේදනයේ සඳහන්වේ.

 

[vsw id=”/4CWdBGVGQaU” source=”youtube” width=”325″ height=”244″ autoplay=”no”]

සබැඳි පුවත්

[shareaholic app="recommendations" id="27363332"]

Leave a Reply

Your email address will not be published.

error: Content is protected !!