Admissions-ප්‍රතිපාදනේ අරගලෙන් සරසවි පිවිසුම ප්‍රමාදවේ

images (73)

විශ්ව විද්‍යාල ප්‍රතිපාදන කොමිෂන් සභාවේ හිටපු සභාපතිනිය වූ මහාචාර්ය ක්ෂණිකා හිරිඹුරේගම දැනට සති දෙකකට පමණ පෙර දේශපාලන බලපෑම් හේතුවෙන් සේවයෙන් ඉවත් වූ පසු එම තනතුර නැවත නොපිරවීම නිසා ඉදිරි වසරේ විශ්ව විද්‍යාලයට ඇතුලත් කර ගැනීම් පමාවී ඇති බව වාර්තා වේ.

විශ්ව විද්‍යාල ප්‍රතිපාදන කොමිෂන් සභාව විසින් 2014 වර්ෂයේ අපොස උසස් පෙළ විභාගයට මුහුණ දුන ශිෂ්‍ය ශිෂ්‍යාවන් වෙනුවෙන් 2014/15 අදාළ ශිෂ්‍ය අත් පොත නිකුත් කිරීමට සැලසුම් කර අවසන් වුවත් ඉහත කරණය හේතුවෙන් එය ප්‍රමාද වන බව වාර්තා වේ. සාමාන්‍යයෙන් එම පොත මුද්‍රණයට පෙර කොමිසමක් මගින් අනුමත කිරීමක් සිදු වේ. නමුත් මේ වනතුරුත් සභාපතිවරයෙක් හෝ කොමිසමට අදාල නියෝජිතයන් පත් කර නොමැත.

උසස් අධ්‍යාපන ඇමති කබීර් හෂීම් මේ සම්බන්ධයෙන් අදහස් ප්‍රකාශ කිරීමෙන් වැලකි සිටියි. එමෙන්ම උසස් අධ්‍යාපන රාජ්‍ය අමාත්‍ය රජීව විජේසිංහ මහතා දේශපාලන අතපෙවීම් හේතුවෙන් එම තනතුරින් ඉල්ලා අස්වීමට තීරණය කර ඇතැයි පැවසේ. විශ්ව විද්‍යාල ප්‍රතිපාදන කොමිෂන් සභාවේ ලේකම් ආචාර්ය ප්‍රියන්ත ප්‍රේමකුමාර මහතා පවසන්නේ විශ්ව විද්‍යාලයට ඇතුලත් කර ගැනීමේ අත් පොත නිර්මාණය කර අවසන් කර ඇති බව හා නව කොමිසමේ සාමාජිකයින්ගේ නිර්දේශය ලැබෙන තුරු සිටින බවයි.

university intake delayed due to university grants commission not appointed

සබැඳි පුවත්

[shareaholic app="recommendations" id="27363332"]

Leave a Reply

Your email address will not be published.