නොරොච්චෝලේ කොමිස් ඕස්ට්‍රේලියාවෙන් මතු වෙයි

norochcholai coal power plantනොරොච්චෝලේ විදුලි බලාගාරය ඉදිකිරීමේදී බරපතල වංචා දූෂණ රැසක් සිදුව තිබෙන අතර ඒ පිළිබඳව හා ඊට සම්බන්ධ විදුලිබල මණ්ඩලයේ හිටපු ලේකම්වරයෙකු වන එම්. එම්. සී. ෆර්ඩිනෑන්ඩු පිළිබඳව මූල්‍ය අපරාධ විමර්ශන කොට්ඨාශයට නීතීඥ නාමල් රාජපක්ෂ මහතා විසින් අද(19) පැමිණිල්ලක් ඉදිරිපත් කළේය.

මේ දිනවල ජනතාව අපහසුතාවයට පත්කරමින් සිදුවන විදුලි කප්පාදුව සිදුව ඇත්තේ නොරොච්චෝලේ විදුලි බලාගාරයේ බිඳවැටීම නිසා බවත් නොරොච්චෝලේ විදුලි බලාගාරය බිඳ වැටීමට හේතුව පිළිබඳවත් නීතීඥ නාමල් රාජපක්ෂ මහතා අද කරුණු හෙළිකර සිටියේය.

එහිදී අදහස් අදහස් දැක්වූ නීතීඥ නාමල් රාජපක්ෂ මහතා,

මේ දිනවල ජනතාව දැඩි අපහසුතාවය පත්ව ඇති කරුණක් තමයි විදුලි කප්පාදුව. දුප්පත් ජනතාව මේ හේතුවෙන් දැඩි අපහසුතාවයට පත්වෙලා සිටිනව. මේකට විදුලි බල මණ්ඩලය සඳහන් කරන්නේ නොරොච්චෝලේ විදුලි බලාගාරය බිඳවැටීම බවයි.

මෙම බලාගාරය ආරම්භයේ පටන් විටින් විට බිඳ වැටෙන්න පටන් අරන් තියෙනව. මීට හේතුව තමයි 2005 ට පෙර හිටපු ජනාධිපති චන්ද්‍රිකා බණ්ඩාරණායක කුමාරතුංග මහත්මියගේ පාලන කාලයේදී ලංකාවේ වැඩිවන විදුලි ඉල්ලුමට ගල් අඟුරු බලාගාරයක් අවශ්‍යයි කියල නිර්දේශ කරල තිබුණා. නමුත් එය ක්‍රියාත්මක නොවී කල් ගියා.

2005 මහින්ද රාජපක්ෂ මහත්මයා බලයට පත්වුණාට පස්සේ විශ්‍රාම අරන් හිටපු එම්. එම්. සී. ෆර්ඩිනෑන්ඩු කියන පුද්ගලයා රැගෙන මෙම නොරොච්චෝල ගල් අඟුරු ව්‍යාපාරය ඉඳිකිරීමේ ව්‍යාපෘතිය ආරම්භ කළා. මෙම එම්. එම්. සී. ෆර්ඩිනෑන්ඩු හරහා කිසිම ටෙන්ඩර් කැඳවීමකින් තොරව කිසිදු ප්‍රසම්පාදන ක්‍රියාවලියකින් තොරව ඉහළම මට්ටමේ ගල් අඟුරු බලාගාරයකට අවශ්‍ය උපකරණ වෙනුවට ඒ මිලටම ඉතා අබලන්, කල්පැන ගිය උපකරණ තමයි ගෙන්වල තියෙන්නේ. ඒ හා සම්බන්ධ තාක්ෂණික කාරණා සම්බන්ධ ලිපි ලේඛන මා ළඟ තියෙනව.

මේ හරහා එම්. එම්. සී. ෆර්ඩිනෑන්ඩු අති විශාල ධනයක් වංචාකරල තියෙනවා. දැනට ඔහුට ඕස්ට්‍රේලියාවේ නිවාස 04 ක් තියෙනවා. එසේම කොලඹගේ මාවතේ ඔහුගේ නිවසට යාබද ඕස්ට්‍රේලියානු ජාතිකයෙකුට අයත් ඉඩමක් බලෙන් පවරගෙන තියෙනව. මේව අපි හෙළි කරගෙන තියෙනව. ඊට අදාළ ලේඛන අපි ළඟ තියෙනව. අපිට දැනගන්න තිබෙන අකාරයට ඩොලර් මිලියන 30 ක පමණ දේපළ මොහු අත්පත් කරගෙන තිබෙනවා.

ඒ නිසා අද අපි පැමිණිල්ලක් කළා මේ වගේ රටට අනවශ්‍ය රටට බරක් වෙච්ච මහජන මුදල් කාබාසිනියා කරන ව්‍යාපෘති සිදුකොට ඒ තුළින් අසීමාන්තික ලෙස ධනය වංචා කළ පුද්ගලයන් සම්බන්ධයෙන් පරීක්ෂණයක් කරන්න කියල.

මීට සම්බන්ධව ශ්‍රේෂ්ඨාධිකරණ නීතීඥ නාමල් රාජපක්ෂ මහතා විසින් වානීජ මූල්‍ය අපරාධ කොට්ඨාශයට ඉදිරිපත් කළ ලිපිය පහතින්,

1

2

3

සබැඳි පුවත්

One thought on “නොරොච්චෝලේ කොමිස් ඕස්ට්‍රේලියාවෙන් මතු වෙයි

  • October 20, 2016 at 12:23 pm
    Permalink

    නොරොච්චෝලෙ ගල් අඟුරැ බලා ගාරය සෙකන්ඩ් හෑන්ඩ් නම් ගෙවපු මිලට වටින්නෙ නැත්නම් ඒකට ගෙවිය යුතු අඩු පොලී සහ මුදල ගෙවන්න බැරි නම් වසරක් අැතුලත ලංකාවට පාඩුවක් නොවන සේ එම බලාගාර මැෂින් ගලවා ගෙන ගොස් බන්ගලදේසයේ සවි කිරීමට හැකි බව චීන රජය ලංකාවට දන්වා අැතැයි පැවසේ. යහපාලනයට බැරියැ දැන් ඉතින් අැමරිකාවෙන්/ඉන්දියාවෙන් අලුත් මැෂින් ගෙනත් සවි කර ගන්න.

    Reply

Leave a Reply

Your email address will not be published.