පඩි ගෙවන්න හලෝ- ලීඩර් සහ ඉරුදින මාධ්‍යවේදීන්…………..

pay-salaryසන්ඬේ ලීඩර්’ සහ ‘ඉරුදින’ පුවත්පත් වල සේවය කරන මාධ්‍යවේදීන් ඇතුළු සමස්ත කාර්ය මණ්ඩලය මුහුණ දී ඇති වැටුප් ප්‍රශ්නය සම්බන්ධව එම පිරිස සේවය කිරීමෙන් වැලකී සිටීමට තීරණය කර තිබේ.

මුදල් ඇමැති රවී කරුණානායක මහතා ගේ සහ මහ බැංකුවේ හිටපු අධිපති අර්ජුන් මහේන්ද්‍රන් ගේ බෑනා වන අර්ජුන් ඇලෝෂියස් ගේ සෘජු අධීක්ෂණය යටතේ, ඔවුන් ගේ සමීපතමයන් විසින් පාලනය කරනු ලබන ලීඩර් ගෲප් ඔෆ් කම්පැනීස් පෞද්ගලික සමාගමේ සමස්ත කාර්ය මණ්ඩලයට මේ වනවිට මාස දෙකකින් වැටුප් ගෙවා නැත.

රවී කරුණානායක ඇමැතිවරයාගේ නියෝජිතයකු ලෙස ආයතනයේ මෙහෙයුම් කළමනාකාර ධුරය දරන්නේ රුවන් ගාල්ලගේ ය. අර්ජුන් ඇලෝෂියස් ගේ නියෝජිතයකු ලෙස ආයතනයේ සාමාන්‍යධිකාරි ධුරය දරන්නේ ජනප්‍රිය නිවේදකයකු සහ මාධ්‍යවේදියකු වන මහේෂ් සේනානායක ය. මීට අමතරව ආයතනයේ අධ්‍යක්ෂ ධුරය දරන්නේ රවී කරුණානායක ඇමැතිවරයාගේ බිරිඳ ගේ සමීප ඥාතියකු වන අක්බාර් නමැත්තෙකි.

අවභාවිත

අදාළ වැටුප් ප්‍රශ්නය සහ සේවක අර්ථසාධක අරමුදලේ, සේවක භාරකාර අරමුදලේ කොටස් නොගෙවීම ඇතුළු අනෙකුත් වෘත්තීය අයිතිවාසිකම් ලබා නොදීම සම්බන්ධයෙන් ඉහත නියෝජිතයන් හරහා පුවත්පත් වල ආයෝජකයන් වන රවී කරුණානායක ඇමැතිවරයා සහ හිටපු මහ බැංකු අධිපති අර්ජුන් මහේන්ද්‍රන් ගේ බෑනා වන අර්ජුන් ඇලෝෂියස් දැනුවත් කර ඇත. මීට අමතරව ආයතනයේ ගණකාධිකාරි නජිත් ද අල්විස් විසින් ආයතනයේ මුදල් අවභාවිත කිරීම සම්බන්ධයෙන් ද බරපතල චෝදනා එල්ල වී තිබේ. එහෙත් පාලනාධිකාරිය මගින් ඔහුට එරෙහිව මෙතෙක් කිසිදු විධිමත් පියවරක් ගෙන නැත.

මාධ්‍ය මෙහෙයුමක්

මේ වනවිට තමන්ගේ වෘත්තීය අයිතිවාසිකම් අමු අමුවේ උල්ලංඝනය කිරීම සමිබන්ධයෙන් ආයතනයේ සේවකයන් අදාළ ආයෝජකයන්ට සහ පාලනාධිකාරියට බරපතල විරෝධය දක්වමින් ‘සන්ඬේ ලීඩර්’ සහ ‘ඉරුදින’ පුවත්පත් වල මේ සතියට අදාළ රාජකාරි කටයුතු නොකිරීමට තීරණය කර ඇත.

එසේ ම මෙසේ තමන්ගේ මූලික වෘත්තීය අයිතිවාසිකමක් වන වැටුප් අයිතිය උල්ලංඝනය කිරීම සම්බන්ධයෙන් මාධ්‍ය දැනුවත් කිරීමටත්, නීතිමය ක්‍රියාමාර්ග ගැනීමටත් ලීඩර් ගෲප් ඔෆ් කම්පැනීස් පෞද්ගලික සමාගමේ පුවත්පත් වල සේවය කරන මාධ්‍යවේදීන් ඇතුළු සේවක පිරිස වැඩිදුරටත් තීරණය කර තිබේ.

කර්තෘ ප්‍රතිචාර

සන්ඩේ ලීඩර් කර්තෘ ඊශ්වරන් රත්නම් මහතා මාධ්‍යට ප්‍රතිචාර දක්වමින්ද කියා සිටින්නේ සුපුරුදු ලෙස. සන්ඩේ ලීඩර් සහ ඉරුදින පුවත් පත් සති අන්තයේ පලවෙන බවයි.

සබැඳි පුවත්

Leave a Reply

Your email address will not be published.