මූූල්‍ය වංචා චෝදනා ලද සුනිල් හෙට්ටිආරච්චි අධ්‍යාපන ලේකම් තනතුරට…

සුනිල් හෙට්ටිආරච්චි
සුනිල් හෙට්ටිආරච්චි

පසුගිය රජය සමයේ රුපියල් කෝටි ගණනක මූල්‍ය වංචා සදහා වගකිවයුතු චූදිතයෙක් යැයි කියන සුනිල් හෙට්ටිආරච්චි   අධ්‍යාපන අමාත්‍යාංශයේ ලේකම් ධූරයට පත් කිරීමට යහපාලන ආණ්ඩුව කටයුතු කර තිබේ.  ඔහු හෙට (01) උදෑසන 9.30 ට පමණ බත්තරමුල්ල ඉසුරුපායේ අධ්‍යාපන අමාත්‍යාංශයේදී වැඩ භාර ගැනීමට නියමිත බව පාර්ලිමේන්තු ප්‍රතිසංස්කරණ හා ජනමාධ්‍යා අමාත්‍යාංශය ප්‍රකාශ කරයි.

පසුගිය ආණ්ඩුසමයේ සංචාරක අමාත්‍යාංශයේ ව්‍යාපෘති අධ්‍යක්ෂවරයෙක් ලෙස කටයුතු කරනවිට ඔහු විසින් සිදුකර ඇතැයි කියන අක්‍රමිකතා පිළිබදව  මේ වනවිට පුලුල් පරීක්ෂණයක් ක්‍රියාත්මක වව තත්වයක් තුළත් ජනාධිපති මෛත්‍රීපාල සිරිසේන විසින් මේ පත්වීම සිදුකර තිබේ. අධ්‍යාපන අමාත්‍යාංශයේ ලේකම්ධූරය භාර ගැනීමට පෙර ඔහු ජනාධිපතිවරයාගේ අතිරේක ලේකම්වරයෙක් ලෙස කටයුතු කර ඇත.

සුනිල් හෙට්ටිආරච්චි සංචාරක ප්‍රවර්ධන ව්‍යාපෘති අධ්‍යක්ෂවරයෙක් ලෙස කටයුතු කරනව වකවානුවේ වර්ෂ 2012 වනවිට අවසන් කළ යතු ව්‍යාපෘති අවසන් කර ඇත්තේ 2013 වසරේ මැද භාගයේ බවත්, මේ ව්‍යාපෘති වලදී ලක්ෂ 50 අධික මුදලක් මේ තැනැත්තාගේ වගකීම යටතේ අවභාවිත වී ඇති බවත් විගණන දෙපාර්තමේන්තුවේ ආරංචිමාර්ග කියයි.

එමෙන්ම වර්ෂ 2013 දී  මොවුන් විසින් දියත්කළ සංචාරක ප්‍රවර්ධන ව්‍යාපෘති සදහා වියදම් කළ රුපියල් කොටි 87  සම්බන්ධව පිළිගත හැකි සාධක ඉදිරිපත් කර නොමැති බවත් විගණන නිලධාරීහු පෙන්වා දෙති.

සබැඳි පුවත්

Leave a Reply

Your email address will not be published.