Anura accused- ගුණරත්නම් අත් අඩංගුව අනුර ගිණුමට

 

ප්‍රේමකුමාර් ගුණරත්නම් මහතා අත් අඩංගුවට ගැනීම අනුර කුමාර දිසානායක ගේ ඉල්ලීමක් මත කෙරුණා බව lanka daily වෙබ් අඩවිය කියා සිටී- කියවන්න

 

ආගමන නීති රීති උල්ලංගනය කරමින් මෙරට ‍රැඳී සිටින පෙර‍ටුගාමී සමාජවාදී පක්ෂයේ නයකයා ලෙස සැලකෙන ප්‍රේමකුමාර් ගුණරත්නම් මහතා අත් අඩංගුවට ගැනීම ජනතා විමුක්ති පෙරමුණේ නායක අනුර දිසානායක මහතා විසින් ආණ්ඩුවේ ඉහළම නායකයකුගෙන් කළ දැඩි ඉල්ලීමක් මත සිදුව ඇති බව අප වෙත වාර්තාවේ.

ඊයේ දින (03) සිදුකෙරුණු සරසවි ශිෂ්‍යයන්ගේ සංවිධානාත්මක දැවැන්ත පාගමන හේතුවෙන් ආණ්ඩුවත් විශේෂයෙන්ම ජවිපෙත් බරපතල ගැටළුවකට මුහුණ දී තිබිණ. මේ අනුව ඉදිරියේදී ආණ්ඩුවට විශාලම අභියෝගය එල්ල වන්නේ ශිෂ්‍යන්ගෙන් බවත් මෙම ශිෂ්‍යයන් සංවිධානය කිරීම පෙර‍ටුගාමී සමාජවාදී පක්ෂයේ ගුණරත්නම් විසින් සිදු කරන බවත් දිසානායක මහතා ආණ්ඩුවේ මෙම ප්‍රධානියාට පෙන්වා දී තිබේ. ඔහුව වහාම අත් අඩංගුවට ගෙන පි‍ටුවහල් නොකළ හොත් ආණ්ඩුවටත් ජවිපෙටත් විශාල දේශපාලන අර්බූදයටකට මුහුණ පැමටත් සිදුවන බවත් ඔහු අවධාරණය කර තිබේ.

ආගමන නීති රීති උල්ලංඝනය වීමක් සිදුව තිබුණද ඔහුව ලුහු බැඳ ගොස් අත් අඩංගුවට ගැනීම ආණ්ඩුව විසින් සිදු කළේ නැත. සිවිල් සමාජයෙන් එල්ල වූ බලපෑම ඊට හේතුවී තිබිණි. ගුණරත්නම් මෙරට පුරවසියකු බව සත්‍යයකි. නමුත් ඔස්ට්‍රේලියානු පුරවැසියකු ලෙස ඔහුට මෙරට දේශපාලනය කිරීම සඳහා නීතියෙන් ඉඩක් නොලැබිමේ ගැටලුව ඔහු හමුවේ තිබු අතර මෙරට ‍රැඳී සිටීම සඳහා වන වීසා කාලය අවසන් වීමද ඔහුව අත් අඩංගුවට ගැනිමට තරම් හේතුවකි. එහෙත් එය පසුගිය කාලයේදි ආණ්ඩුව විසින් නොතකා හරිනු ලැබීය. එහෙත් පසුගිය මහ මැතිවරනයේදී පෙර‍ටුගාමි පක්ෂයේ ජාතික ලැයිස්තුවේ මුලින්ම නම සඳහන් වූයේ ගුණරත්න මහතාගේ නමය. ඊට කිසිවකුගෙ හෝ විරෝධයක් එල්ල නොවුනු අතර මැතිවරණ කොමසාරිවරයද ඒ පිළිගෙන තිබිණි.

ගුණරත්නම් මහතා අවසන් වරට මෙරටට පැමිණියේද එවකට ආණ්ඩුවේ ප්‍රබලයන් කිහිප දෙනෙකුගේ අවශ්‍යතාවය මතය. මන්ද ජනාධිපතිවරණයේ විපක්ෂයේ පොදු අපේක්ෂකයා ලෙස අනුර දිසානායක මහාතාව ඉදිරිපත් කිරීමට එජාප නායක රනිල් වික්‍රමසිංහ මහතා මහතා විසින් දිසානායක මහතාටම යෝජනා කර තිබෙන බව රාජපක්ෂ ආණ්ඩුවේ ප්‍රධානින්ට දැන ගැනීමට තිබීම නිසා ( මේ වික්‍රමසිංහ මහතා විහිලුවට කී කතාවක් බවද පැවැසෙතත් මෙය ජවිපෙ දේශපාලන මණ්ඩලයේදී බැරෑරුම් සාකච්ඡාවක් බවට පත්ව තිබිණි.) ඔහුට එරෙහිව පෙර‍ටුගාමී පක්ෂය පාවිච්චි කළ හැකි බව බැසිල් රාජපක්ෂ මහතා හා එම ආණ්ඩුවේ ප්‍රධානින් තීන්දු කර තිබිණි. එම අවස්ථාවෙන් ප්‍රයෝජනය ගත් ගුණරත්නම් මහතා මෙරටට පැමිණියේය. නෛතික ගැටලු විසඳා ගැනීම වෙනුවෙන් ජනාධිපතිවරණයේදී ගුණරත්නම් මහතාට, රාජපක්ෂ මහතාට වාසිවන අන්දමේ ප්‍රකාශ කිහිපයක් සිදු කිරීමට සිදුවූ නමුත් එම ගැටළු නිරාකරණය වූයේ නැත. වත්මන් ආණ්ඩුව විසින් ඔහුව අත් අඩංගුවට ගෙන පි‍ටුවහල් කිරීමට මුලදී උත්සහයක් ගත්තේද ජවිපෙන් එල්ල වූ බලපෑම මතය.

 

අද දින සවස වාර්තා වූ ආකාරයට ගුණරත්නම් මහතාගෙන් ඊයේ දිනයේ සිදුවූ සරසවි පා ගමන ගැනද ප්‍රශ්න කරද තිබෙන බව වාර්තාවේ.

එහෙත් ජනතා විමුක්ති පෙරමුණේ නායකයන් සිය සාමාජිකයන්ව දැනුවත් කර ඇත්තේ එම පාගමන මෙහෙය වූ ශිෂ්‍ය නායකයන් ජවිපෙ සමාජවාදී ශිෂ්‍ය සංගමයේ සාමාජිකයන් බවය. එහෙත් ජවිපේ සමාජවාදී ශිෂ්‍ය සංගමයේ සිටින්නේ එහි ජාතික සංවිධාකවරයා පමණකි. වෙනත් සාමාජිකයන් කිසිවකුත් නොමැති බව සරසවි ක්ෂේත්‍රයේ ප්‍රසිද්ධ කරුණකි.

කෙසේ නමුත් මීට පෙර රාජපක්ෂ රෙජීමය පැවැති කාලයේදීත් (2012 අප්‍රේල් මාසයේදී ) ගුණරත්නම් මහතාව අත් අඩංගුවට ගැණුනේ අනුර කුමාර දිසානායක විසින් එවකට ආරක්ෂක ලේකම් ගොඨාභය රාජපක්ෂ මහතාගෙන් දිගින් දිගටම කළ ඉල්ලීමක් නිසා බවද මේවන විට අප වෙත අනාවරණය වී ඇත. ඒ ගැන වැදගත් තොරතුරු කිහිපයක් අප සතුව තිබේ. ඒ ඉදිරියේදී බලාපොරොත්තු වන්න. කෙසේ නමුත් අනුර දිසානායක මහතා වේදීකාවල රාජපක්ෂලාගේ පතුරු ගැලවෙන්න කතා කරන කාලකදී මෙය සිදුවීම ද විශේෂය.

එමෙන්ම දිසානායක මහතාට දේශපාලනයේ අයන්න ආයන්න උගැන්වූ දේශපාලන ගුරුවරයා වන්නේද ගුණරත්නම් මහතාය. ඔහුව ජවිපෙ තුලට ‍රැගෙන ආවේද ගුණරත්න මහතාය. එහෙත් දිසානායක මහතා ප්‍රසිද්ධියේම පවසන්නේ කුමාර් ගුණරත්නම් කියා කෙනෙකු හඳුන්නේවත් නැති බවය.

කවරෙකු වූවත් , දේශපාලන මති මතාන්තර කවරක් වූවත් තමන්ගේ ගුරුවරයාව අමතක වීමත්, ඔහුව ද්‍රෝහියකු කර පාවාදී මරණ මංචකයට ඇද ගෙන යාමට කටයුතු කිරීමත් අතිශය ලැජ්ජා සහගතය. නින්දා සහගතය.

the jvp leader anura kumara dissanayaka  is been accused for the arrest of kumar gunaratnam

සබැඳි පුවත්

Leave a Reply

Your email address will not be published.