අප්පච්චි මළා – පක්ෂ සාමාජිකත්වය අහිමි කරගනී

එක්සත් ජනතා නිදහස් සන්ධාන ජාතික ලැයිස්තු පාර්ලිමේන්තු මන්ත්‍රී විජිත් විජිතමුණි සොයිසා මහතාගේ පාර්ලිමේන්තු මන්ත්‍රී ධුරය අහෝසි කර ඔහුව ශ්‍රීලනිපයෙන් නෙරපා හැරීමට තීරණය කළ බව ශ්‍රී ලංකා නිදහස් පක්ෂය පවසයි. මහින්ද රාජපක්ෂ මහතා ජනාධිපති තරගයෙන් පරාජය වූ අවස්ථාවේ අප්පච්චි මළා යැයි පැවසූ විජිතමුණි සොයිසා හිටපු ඇමතිවරයා තවත්. අවස්ථාවකදි කියා සිටියේ තමන්ට කොහෙන් ගියත් ඇමතිකමක් ලැබෙන බවය. දැන්නම් මන්ත්‍රී කමක් නැති වෙන හැඩය.

අදාල ලිපිය මැතිවරණ කොමිසම වෙත හා පාර්ලිමේන්තුව වෙත යැවන බවයි ශ්‍රීලනිප ජ්‍යෙෂ්ඨ උප සභාපති මහාචාර්ය රෝහණ ලක්ෂ්මන් පියදාස මහතා පවසන්නේ.

වෙනත් දේශපාලන පක්ෂ සමග සබඳතා පැවැත්වීම හේතුවෙන් ජාතික ලැයිස්තු මන්ත්‍රීවරුන් පස් දෙනෙකුගේ පක්ෂ සාමාජිකත්වය අහෝසි කර ඔවුන්ගේ පාර්ලිමේන්තු මන්ත්‍රී ධුර අහෝසි කිරීමට ශ්‍රීලනිප මධ්‍යම කාරක සභාව මීට පෙර තීරණය කළේය. ඒ අනුව පාර්ලිමේන්තු මන්ත්‍රී ඒ.එච්.එම්. ෆවුසි මහතාගේ පක්ෂ සාමාජිකත්වය අහෝසි කළ බව මේ වනවිටත් මැතිවරණ කොමිසම වෙත දැනුම් දී තිබේ.

මීට අමතරව පොදුජන පෙරමුණ හා එක් වූ එස්.බී. දිසානායක, ඩිලාන් පෙරේරා, ලක්ෂ්මන් යාපා අබේවර්ධන යන මන්ත්‍රීවරුන්ගේ පක්ෂ සාමාජිකත්වය අහෝසි කිරීමට තීරණය කර ඇත. ඔවුන්ගේ සාමාජිකත්වය අහෝසි කිරීම ලබන සතිය තුළ සිදු කීරීම නියමිතය.

LEAVE A REPLY

Please enter your comment!
Please enter your name here

Comment moderation is enabled. Your comment may take some time to appear.

This site uses Akismet to reduce spam. Learn how your comment data is processed.