කක්ෂගත චන්ද්‍රිකා රකින්න අභ්‍යවකාශ හමුදාවක්

අභ්‍යවකාශ යුද ක්‍රියාදාම සඳහා වෙන්වූ නවතම හමුදාවක් ඇමෙරිකානු ජනාධිපති ඩොනල්ඩ් ට්‍රම්ප් නිල වශයෙන් ආරම්භ කළේය. එය හැඳින්වෙන්නේ අභ්‍යවකාශ හමුදාව (Space Force) නමිනි.

අවුරුදු 70 ට පසු ආරම්භ කරන ලද පළමු හමුදා සේවය වන මෙය එක්සත් ජනපද ගුවන් හමුදාව යටතේ ක්‍රියාත්මක කෙරෙනු ඇත.

වොෂිංටන් අගනුවරට ආසන්න ප්‍රදේශයක පිහිටි හමුදා කඳවුරක දී කතාවක් කරමින් ජනාධිපති ට්‍රම්ප් අභ්‍යවකාශය හැඳින්වූයේ “ලෝකයේ යුද ගැටුම් සඳහා වන අලුත්ම අවකාශය” ලෙසිනි.

“අපගේ ජාතික ආරක්ෂාවට එල්ලවී ඇති බරපතල තර්ජන හමුවේ, අභ්‍යවකාශය තුළ ඇමෙරිකානු ආධිපත්‍යය පවත්වාගැනීම ඉතා තීරණාත්මකයි” යනුවෙන් ජනාධිපතිවරයා පැවසීය.

“අපි ඉදිරියෙන් ඉන්නවා. නමුත් එක ප්‍රමාණවත් නැහැ. බොහොම කෙටි කාලයකදී අපි බොහෝ ඉදිරියෙන් හිඳීවි” යැයි ද ඩොනල්ඩ් ට්‍රම්ප් කියා සිටියේය.

නව හමුදාව සඳහා මුදල් වෙන්කිරීම තහවුරු වුයේ ඩොලර් බිලියන 738ක් වූ වාර්ෂික එක්සත් ජනපද හමුදා අයවැයට ජනාධිපතිවරයා සිකුරාදා (දෙසැම්බර් 20) අත්සන් තැබීමත් සමගය.

අභ්‍යවකාශ හමුදාව දියත් කෙරෙනුයේ පළමු වසර සඳහා ඩොලර් මිලියන 40ක අරමුදල් සම්පාදනයක් සමගිනි.

අභ්‍යවකාශ හමුදාව ඇත්තෙන්ම කරන්නේ කුමක්ද?
පෘථිවි කක්ෂය වටා හමුදාව ස්ථානගත කිරීමක් අපේක්ෂා නොකෙරුණත්, සන්නිවේදන හා නිරීක්ෂණ කටයුතු සඳහා භාවිත කෙරෙන සියගණනක් වූ චන්ද්‍රිකාවල ආරක්ෂාව මේ හමුදාවට පැවරෙනු ඇත.

LEAVE A REPLY

Please enter your comment!
Please enter your name here

Comment moderation is enabled. Your comment may take some time to appear.

This site uses Akismet to reduce spam. Learn how your comment data is processed.