රනිල්ගෙන් ශතකයක්

රජයේ මුදල් භාවිතයේ දී දක්වන ලද ප‍්‍රශස්තභාවය  සැළකිල්ලට ගනිමින්  රාජ්‍ය ගිණුම් කාරක සභාව විසින් විමර්ශනය කරන ලද රජයේ විශේෂ වැයකිරීම් ඒකකය යටතේ වන ආයතන 838 ක් අතරින් අග‍්‍රාමාත්‍ය කාර්යාලයට මුල් තැන හිමිව තිබේ.

ලකුණු සීයෙන් සීයක් ලබාගෙන අග‍්‍රාමාත්‍ය කාර්යාලය මෙහි  ප‍්‍රථම ස්ථානයටත් විගණකාධිපති දෙපාර්තමේන්තුව දෙවන ස්ථානයටත් අල්ලස් හෝ දූෂණ වංචා විමර්ශන කොමිෂන් සභාව තුන්වැනි ස්ථානයටත් පත්ව තිබේ.

රජයේ විශේෂ වියදම් ඒකක වන අමාත්‍යාංශ, දෙපාර්තමේන්තු, දිස්ත‍්‍රික් ලේකම් කාර්යාල, පළාත් සභා,  පළාත් පාලන ආයතන මෙම ඇගයීමට ලක්ව ඇති අතර  ඉන් ආයතන 109 ක් විශේෂ ඇගයීමට භාජනය වී තිබේ.

අමාත්‍යාංශ අතරින් මහානගර හා  බස්නාහිර සංවර්ධන අමාත්‍යාංශයත් දෙපාර්තමේන්තු අතරින් මහා භාණ්ඩාගාර මෙහෙයුම් දෙපාර්තමේන්තුවත් දිස්ත‍්‍රික් ලේකම් කාර්යාල අතරින් ගම්පහ දිස්ත‍්‍රික් ලේකම් කාර්යාලයත් මෙහි මුල්තැනට පත්ව තිබේ.

මෙම ආයතන සඳහා ජනාධිපති මෛත‍්‍රිපාල සිරිසේන මහතා විසින් ඉදිරි සතියේදී සම්මාන පිරිනැමීමට නියමිතය- ලංකාදීප

LEAVE A REPLY

Please enter your comment!
Please enter your name here

Comment moderation is enabled. Your comment may take some time to appear.

This site uses Akismet to reduce spam. Learn how your comment data is processed.