පානදුර පොලිස් ලොක්කා විරෝධතා පා ගමනකට කල බාධාව විමර්ශනයට….

0
11

පානදුර ප්‍රධාන පොලිස් පරීක්ෂකවරයෙකු සෙනසුරාදා ප්‍රදේශයේ කාන්තාවන් දෙදෙනෙකුගේ විරෝධතා පා ගමනකට බාධා කිරීම සම්බන්ධයෙන් විමර්ශනය කරන බව පොලිස් මාධ්‍ය ප්‍රකාශක, ජ්‍යෙෂ්ඨ පොලිස් අධිකාරී නිහාල් තල්දූව මහතා පවසයි.

විශේෂ විමර්ශන ඒකකයේ අධ්‍යක්ෂවරයාට එම විමර්ශන කටයුතු පවරා ඇත. පොලිස් කාන්තාවන් දෙදෙනෙකු විරෝධතාකරුවන් දෙසට තල්ලු කිරීමේ සිද්ධියක් සම්බන්ධයෙන් ද විමර්ශනය කරන බව ඔහු පැවසීය.

කාන්තා විරෝධතාකරුවන් අත්අඩංගුවට ගැනීමට සහ ඔවුන් පොලිස් ස්ථානයට රැගෙන යාමට සහය වීමට පොලිස් නිලධාරියා පොලිස් කාන්තාවන් දෙදෙනා තල්ලු කරනු දක්නට ලැබිණි. ‘මොකද විරිත්තගෙන බලා ඉන්නේ යනුවෙන් තරුණ පොලිස් නිලධාරිනියක් ජීප් රථය දෙසට තල්ලු කරන ආකාරයක් දක්නට ලැබින.

මේ අතර කාන්තාවන් දෙදෙනෙකුගේ විරෝධතා පා ගමනට බාධා කිරීම සම්බන්ධයෙන් නීතීඥයින් සහ සිවිල් සමාජයේ විරෝධතා එල්ල වෙමින් පවතී. මෙම කාන්තාවන් දෙදෙනා තමන් නිදහස් කරන ලෙස ඉල්ලා අන්තර් විශ්වවිද්‍යාල ශිෂ්‍ය බලමණ්ඩලයේ (අවිශිබම) ශිෂ්‍ය කැඳවුම්කරු වසන්ත මුදලිගේ සහ පූජ්‍ය ගල්වල සිරිධම්ම හිමියන්ගේ ඡායාරූප රැගෙන යමින් සිටියහ.

කාන්තාවන් දෙදෙනා යළිත් මොරටුවෙන් විරෝධතාවයක් ආරම්භ කළ නමුත් පොලිසියෙන් බාධා එල්ල විය. පසුව එම කාන්තාවන් දෙදෙනා මෝටර් රථයක නැගී ගාලුමුවදොරට පැමිණ විරෝධතාව අවසන් කළහ.

LEAVE A REPLY

Please enter your comment!
Please enter your name here